كلنا سلفيين ~ ` :]

هو ليه دايما اما ادافع عن السلفيين و اقول ناس متدينة و كويسين و اقوياء فى الدين ما شاء الله الاقى ناس بتجيبلى نماذج سيئة و تقولى مش بتشوفى مين و مين و مين و مين ؟؟
و بقولهم آه بشوف ..
و يبتدوا يحكوا نفس الموقف " ده كان فى واحد بدقن و كان حرامى و كان كذا و كذا"
طب ليه حضرتك ياللى بتفكر كده مش بتبص على النماذج الحلوة !!؟
ليه مبتيصش و تقول آه ده فى واحد بدقن بانى جامع ، وواحد تانى بانى مصنع واحد تالت بيساعد الفقرا واحد رابع بيكفل يتامى و واحد عاشر و مية و الف و مليييييييييييووووون !!
ليه ؟
مش السلفى ده اللى بتشتمه هو اللى بترجعله لما الدنيا تضيق بيك و تقوله ساعدنى يا شيخ انى اتوب ؟؟
مش ده اللى بيحصل ؟؟

لو شايف نماذج وحشة اضعف الايمان انك تتجاهلها و تبص للنماذج الحلوة
و على فكرة السلفى او المتدين مش عفريت لو رحتله هياكلك !! بالعكس بيقبلوا اى حد يجيلهم !!
و اذا انت شوفت ناس منهم متعصبين فا فيه ملايين زايى و زيك متعصبين
و الدليل انهم بيحكموا على مجموعة لمجرد وجود بعض النماذج السلبية !