حَملة انا غاليةُ ومش رخيصه (تابعونا)
(2)
عارفة إنتي غالية ليه ؟
لأنك مسلمة ..
عارفة يعني إيه مسلمة ؟؟
مسلمة = ملكة :)
أحد الإنجليز سأل واحد مسلم وقال له :
ليه المرأة المسلمة مش بتسلم على الرجال كلهم ؟
رد عليه المسلم و قال له : عندكم في بريطانيا ،
هل مسموح لأيِ شخص إنه يسلم على الملكة ؟؟
رد الإنجليزي و قال : لأ طبعاً مش مسموح..
عندنا سبع أصناف بس من الناس يُجيز لهم القانون ده..
رد المسلم وقال له :
وإحنا عندنا أصناف محددة برده هما بس اللي يجوز لهم ذلك
زي ما انتو بتعملوا ده علشان الملكة ، لإن عندنا في الإسلام :
كل النساء ملكات
يآآآآآآآه لو عرفتي قد إيــــــــــــه إنتي غــــــــالية ..!!!
يآآآآآآه لو عرفتي قد إيه الإسلام رفع من شأنك
وكرّمك تكريم ملهوش مثيل ..!
لآآازم تعرفي إنتي غالية قد إيه
علشان تحسي بقيمتك في الحياة ..!
إنتي كـ " أنثى" بتمثلي نص المجتمع ..
و بتولدي النص التاني.. يعني إنتي المجتمع كله !
إنتي المسئولة عن تربية الأجيـــال ..
يعني صلاح المجتمع مرهون بيكي إنتي ..!
إنتي غالية أوووووي ؛ لدرجة إنك لو تأملتي في القرآن
معجزة ربنا الخالدة في الأرض مش هتلاقي سورة اسمها الرجال ..
ولكن فيه سورة من أكبر سور القرآن اسمها "سورة النساء" ..
فيه سورة كاملة سُمّيت بإسم امرأة وهي: "سورة مريم" ..
فيه سورة نزلت في إمرأة "سورة المجادلة" و كذلك سورة "الممتحنة" ..
إنتي غالية لدرجة إن ربنا يقول:
" يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ "
الوهب يعني العطاء .. وربنا ذكرك قبل الرجال في الوهب ،
وده تكريم ليكي وإعلاء من شأنك .. :)
إنتي غالية أوووووووي عند النبي صلى الله عليه و سلم ؛
لدرجة إنه يخوض معركة وغزوة مع اليهود تسيل فيها دماء المسلمين
علشان واحد يهودي راود إمراة مسلمة إنها تكشف وجهها !!
إنتي غالية أوي عند النبي صلى الله عليه و سلم ؛
لدرجة إنه صلى الله عليه و سلم بيوصي بيكي في حجة الوداع قبل ما يموت
و بيقول : ( إستوصوا بالنساء خيراً ) حسّنه الألباني
وأيضاً صلى الله عليه و سلم بيوصي بيكي في حديث آخر و بيقول :
(إن الله يوصيكم بالنساء خيراً ، إن الله يوصيكم بالنساء خيراً ، فإنهن أمهاتكم وبناتكم وخالاتكم )
صححه الألباني
إنتي غالية أوووووي
إنتي غالية أوي عند النبي صلى الله عليه و سلم ؛
لدرجة إنه يقول إن اللي هيموت وهو بيدافع عنك هيبقى شهيد ؛
( من قُتل دُون أهله فهو شهيد ) صححه الألباني
إنتي غالية عند النبي صلى الله عليه و سلم وعلشان كده قال :
( رفقاً بالقوارير ) صححه الألباني
شوفتي التشبيه الرائع ده من النبي صلى الله عليه و سلم
للنساء بالقوارير في الرقة والطيبة والشفافية والعاطفة ،
و وصيته للرجال باللطف بيكي و عدم جرحهم ليكي... :)
إنتي غالية أوي ؛ وعلشان كده الإسلام كرمك
كـ " بنت " وكـ " زوجة " وكـ " أم " ..
>>>
الإسلام كرّمك كـ " بنت " لدرجة إن النبي صلى الله عليه و سلم يقول :
( من كان له أختان أو ابنتان ، فأحسن إليهما ما صحبتاه ،
كنت أنا وهو في الجنة كهاتين ، و قرن بين أصبعيه ) صححه الألباني
اللي هيحسن معاملتك هيبقى مع النبي في الجنة ! :)
الإسلام كرّمك كـ " زوجة " و أوجب على زوجـــــك
الإنفاق عليكي وأمره بحُســن عشرتـك،
قال الله تعالى : " وَعَاشِرُوهُنَّ بِالْمَعْرُوفِ " النساء:19
وقال صلى الله عليه و سلم : (خيارُكم خيارُكم لنسائهم) صححه الألباني
الإسلام كرّمك كـ " أم " لدرجة إن النبي صلى الله عليه و سلم
يوصي بيكي و يقول : ( أمك ثم أمك ثم أمك ) ..!!
الإسلام كرّمك كـ " أم " لدرجة إن النبي صلى الله عليه و سلم يقول :
( إلزم رجلها فثمَّ الجنة ) صححه الألباني
الجنة تحت رجليكي! فيه تكريم أكتر من كده؟
:)
يَتبع ..
موضوع: انا غاليه مش رخصيه 2 
