حَملة انا غالية ومش رخيصه
(6)
?¿
وعد العيون ♥
( الحب من أول نظرة )
سمعنا كتير وقرينا كتير عن الحب من أول نظرة ،
ومشاكل كتير بتجيلنا عن الموضوع ده ؛ ومنها :
> بنت بتسأل وتقول :
أنا كنت فاكرة إن مفيش حاجة اسمها حب ؛
لغاية ما في يوم قابلت واحد، وفـ ثانية واحدة حالي إتغير!
شوفته ومش عارفة إيه اللى حصلى ؟؟ قلبي قعد يدق يدق جامد ..
وحسيت إن هو ده الشخص المناسب ليا ..
حسيت إنى أعرفه من زمان جداً جداً
حسيت إنه مش مجرد إعجاب عادى و خلاص ..
أنا مش عارفة هو بيبادلنى نفس الشعور ولا لأ ؟؟
وخايفة أروح أصارحه بشعورى لأحسن أخسره !
و فى نفس الوقت نفسى أروح اقوله إني بحبه ؟؟
أنا تعبت من التفكير! هل أنا عايشة فى وهم ؟؟
ولا فعلاً الحب من أول نظرة حاجة حقيقية ؟؟
> وبنت تانية بتقول :
أنا عندي مشكلة وعاوزة أعرف رأيكم ،
أنا فيه واحد معايا في الشغل لاحظت نظراته ليا ،
وغصب عني بدأت أنا كمان أبادله النظرات ،
وبدأت أفكر فيه وأتشد ليه وأحس إني بحبه !
أنا تعبانة جداً ومش عارفة أعمل إييييييه ؟؟؟
ـ تعددت الأسئلة والحكـايات ،
والمشكلة واحدة !!
والسؤال هو :
يا ترى فعلاً فيه حاجة اسمها حب من أول نظرة ؟
هقولك :
مفيش حاجة اسمها حب من أول نظرة !
وطبعا هتردي عليا وتقولي :
إنت إزاي تقول كده؟ إنت إنسان عديم المشاعر !
إنت تفهم إيه في الحب علشان تحكم بالشكل ده ؟؟!!!
إنت لو جربت يعني إيه حب من أول نظرة ، مكنتش قولت الكلام ده ..!!
هقولك يا أختي :
ده مش كلامي أنا بس ؛
ده كلام خبراء علماء النفس والأساتذة الدكاترة العرب والأجانب كمان !
علماء النفس بيقولوا إن الحب من أول نظرة ده عبارة عن إحساس سريع عند الإنسان بالإنجذاب لشخص معين لم يسبق له لقاؤه .. يعني الموضوع عبارة عن إعجاب من أحد الطرفين أو كلاهما ، وإنجذابه له بشكل غير طبيعي نتيجة إعجابه بأحد صفاته ؛ زي المظهر ، القوام ، ملامج الوجه ، إبتسامته ، نظراته ، لون عينيه ، طريقة كلامه ، تصرفاته .. وهكذا ..
شوفي الكلام ده :
[أكد فريق من الباحثين في جامعة فلوريدا الأميركية في أول تفسير علمي لظاهرة الإعجاب المفاجئ، أن هناك أشخاصا يتمتعون بجاذبية الوجوه والأشكال، بحيث يشدون أنظارالناس اليهم ويقعون في حبهم من أول نظرة .
وقد أرجع جون مينر الأستاذ المساعد في علم النفس في الجامعة - الذي أشرف على الدراسة المنشورة في مجلة Journal of Personality and Social Psychology السبب وراء هذا الإعجاب المفاجئ إلى أن هـذا الأمر أشبه بجذب مغناطيسي إلا أنه يتم على المستوى البصري فقط !
كما شرح مينر أن الإعجاب يأتي على رأس قائمة
التغيرات الكثيرة التي تطرأ على حياة الناس دون أن يشعروا بها ويسعون جاهدين لإيجاد التفسير العلمي الصحيح لها ، ومن بينها ما يعرف بالحب من أول نظرة . وتأتى هذه الحالة عادةً عندما تقع العين على شخص ما ، فيُعجب بإحدى صفاته ] .
يعني الموضوع إن ربنا سبحانه وتعالى خلقنا على وجود ميل فطري طبيعي بين الذكر والأنثى..
وفي ظل فترة المراهقة ؛ البنت بتبدأ تكبر وتتغير جسمانياً و عاطفياً ، ويبدأ قلبها ينبض بالفطرة ..
وفي ظل البيئة والعصر اللي إحنا عايشين فيه
والكم الرهيب من المسلسلات والأفلام والأغاني
اللي بتتكلم عن الحب ومش وراهم غيره ،
بتبدأ البنت ترسم في خيالها صورة لفارس أحلامها
اللي هتعيش معاه قصة الحب المنتظرة،
وتتخيل نفسها إنها بطلة كل فيلم شافته وكل أغنية سمعتها ،
وفي ظل وجود الفراغ العاطفي الرهيييييييييييييييييب ،
بتبقى نفسها إن أي حد يملأ الفراغ ده ، نفسها حد يهتم بيها ويحسسها بأنوثتها ،
إلى جانب ظروف الاكتئاب اللي بتبقى البنت عايشاها في البيت ومشاكله،
والمذاكرة وهمومها ، وإخواتها .. إلخ ..
فـ أول ما البنت بتقابل شخص
تحس فيه جزء من الصورة اللي رسمتها في خيالها ؛
بتبدأ تلقائياً تنجذب ليه بكل مشاعرها وأحاسيسها !
والبنت بتفضل عايشة الحلم
أو بمعنى أدق (الوهم) لحد ما تتخطب
وييجي حد يملى الفراغ العاطفي اللي عندها
أو تعقل وتنضج وتفوق !
هتقولي :
ده مش وهم !!
هقولك لا ده وهم
بس المرة الجاية نشرح ليه هو وهم باذن الله
| ضع تعليق بحسابك اذا واجهتك مشكلة فى الفيس بوك |
|
موضوع: انا غاليه مش رخصيه 5 
